“Кью Си Эм” ХХК нь үйл ажиллагаандаа байгаль орчны асуудлыг нэн тэргүүнд тавьж, учирч болох сөрөг нөлөөллийг бууруулах, байгаль орчин бохирдуулалтыг бууруулах арга хэмжээг Монгол улсын хууль, дүрэм, журам, стандартад нийцүүлэн, ISO 14001:2015 стандартыг мөрдлөг болгон ажилладаг ба байгаль орчны удирдлагын тогтолцоог улам сайжруулах арга хэмжээг авч ажиллаж байна. Манай байгууллага Хөдөлмөрийн аюулгүй ажиллагаа, эрүүл ахуйн, байгаль орчны бодлогодоо дараах чиглэлүүдийг тусгаж, хяналт тавин ажилладаг.

“Кью Си Эм” ХХК нь байгуулагдсан цагаасаа эхлэн Хөдөлмөрийн аюулгүй байдал, эрүүл ахуйн тухай хууль, Хөдөлмөрийн тухай хууль, ХАБЭА-н MNS OHSAS 18001:2012 стандартыг мөрдлөг болгон ажиллаж ирсэн. Манай байгууллага өөрийн үнэт зүйл болох ажилчдынхаа амь нас, эрүүл мэнд, аюулгүй байдлыг бүрэн хариуцаж, ажилчдын хөдөлмөрлөх явцад эрүүл аюулгүй орчинд ажиллах, хөдөлмөрлөх нөхцөлийг хангах, нийгмийн хариуцлагыг ухамсарлах, нэгдсэн зохион байгуулалттай ажил хөдөлмөрийг гүйцэтгэж, техник тоног төхөөрөмжийн аюулгүй ажиллагаа, ариун цэвэр, эрүүл ахуйд хяналт, шаардлага тавьж, арга хэмжээ авч ажилладаг.
Манай байгууллагын ажилтан бүр компанийнхаа Хөдөлмөрийн аюулгүй ажиллагаа, эрүүл ахуй, байгаль орчны бодлого, журмыг бүрэн ухамсарлан, бодлого, журамд заагдсан эрх, үүрэг, хариуцлагыг өөрийн ажлын байранд нэвтрүүлж, дадал зуршил болгон байнга хэрэгжүүлж ажилладаг. “Кью Си Эм” ХХК-ийн ажилтан бүр өөрийн эрүүл мэнд, амь нас, хөдөлмөрийн аюулгүй байдлыг үнэт зүйл хэмээн ухамсарлаж, ажлын байранд тавигдах аюулгүй байдлын дүрэм журмыг чандлан биелүүлж, орой бүр гэртээ эрүүл, эсэн мэнд харих нөхцөлийг бүрдүүлж ажиллаж байна.